ڕۆژا پێنجشەمبی ڕێــککــەفتی (٢٠٢٥/٢/۱۳) ل ئاڤاهیێ سەرۆکاتیا زانکۆیا زاخۆ، ب ئامادەبوونا ڕێزدار (پ.د. ناظم سليمان عبدالعزيز) سەرۆکێ زانکۆیێ و لگەلدا بەرێز  (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، ڕێورەسمێن بدوماهیک هاتنا خۆلا (پێشڤەبرنا شیانێن فەرمانبەران) بڕێڤەچوون و تێدا باوەرنامە ل سەر پشکداران هاتنە بەڵاڤکرن.

هەژیە بێژین؛ ئەڤ خۆلە هاتبوو ڕێکخستن بۆ فەرمانبەرێن زانکۆیێ یێن نویی هاتینە وەرگرتن، ب مەرەما بلندکرنا ئاستێ شیان و شارەزایێن کارکرنێ لدەف فەرمانبەران و خۆ گونجاندن لگەل گوڕانکاریێن بلەز یێن سەردەمێ ئەڤرۆ تێدا دەرباز دبیت و زێدەتر کارکرنا ب شێوەیێ دیجیتاڵی، هەروەسا چاوانیا پێشوازی و سەرەدەریەکا ڕێکوپێک لگەل ئەوان کەسێن سەرەدانا فەرمانگەهێن حکومی و ب تایبەت زانکۆیێ دکەن و ئەمانەت پارێزی و ئاشکرایی د کارکرنێ دا و فێربوونا کارێ ب کوم. خۆل بۆ دەمێ سێ ڕۆژان ژلایێ بەرێز (پ.هـ.د. نزار محمد علی) مامۆستا ل کۆلیژا کارگێری و ئابووری - زانکۆیا زاخۆ یا بەردەوامبوو.